गोरखा । गोरखाको गण्डकी गाउँपालिका भित्र रहेको सबै बिद्यालयहरु भोली देखी सञ्चालनमा आउने भएको छ ।
गाउँपालिकाको शिक्षा शाखाले सूचना जारी गर्दै मंगलबार अर्थात भाद्र २२ गते पालिका भित्रका सबै बिद्यालयहरुलाई सञ्चालनको अनुमती दिएको हो ।
समितिको भाद्र ७ गते बसेको शिक्षा समितिको बैठकले सहज परिस्थिति भएपटि विद्यालयहरु नियमित रुपमा सञ्चालन गर्ने निर्णय गरे गरे अनुरुप परिस्थिति सहज हुदै गएको र जिल्लाको अन्य क्षेत्रमा पनि बिद्यालयहरु सञ्चालनमा आउने भए पछि पालिका भित्रको बिद्यालय सञ्चालनमा अनुमती दिईएको शिक्षा शाखा प्रमुख सुदिप पन्थले जानकारी दिए ।
जारी सूचनामा ‘सहज परिस्थिति भएपछि विद्यालयमा नियमित पठनपाठन हुने निर्णय भएकोले, सम्पूर्ण सामुदायिक बिद्यालयहरु नेपाल सरकारले अपनाएका स्वीकृत स्वास्थ्य सुरक्षाका मापदण्डहरु पालना गरी मिति २०७८–०५–२२ गतेदेखि बिद्यार्थी सिकाइ सहजीकरण निर्देशिकाको दफा ३३ को उपदफा २ बमोजिम विद्यार्थीको भौतिक उपस्थितमा बिहान १० बजे देखी ४ बजे सम्म बिद्यालय सञ्चालन गर्नुहुन अनुरोध छ’ भनिएको छ ।
पालिका भित्र ४४ वठा सामुदायिक बिद्यालयहरु रहेको र त्यसमा ५ हजार २५० जना विद्यार्थीहरु अध्ययनरत रहेको शिक्षा शाखा प्रमुख पन्थले जानकारी दिए ।
