साँकेतिक तस्बिर
गोरखा । गोरखाको भीसमेन थापा गाउँपालिकामा भोलि (सोमबार)देखि बिधालय सञ्चालन गरिने भएको छ ।
कोरोना संक्रमणको कारण लामोसमय बन्द हुदै आएको बिधालय सोमबारदेखि सञ्चालन गर्न लागिएको गाउँपालिका अध्यक्ष इश्वर पाण्डेले बताए ।
गाउँकार्यपालिकाको आज बसेको बैठकले बन्द भएको बिधालय भौतिक उपस्थितीमा सञ्चालन गर्ने निर्णय गरेको उनले जानकारी दिए ।
बिधालय सञ्चालनका लागि सवै बिधालयका शिक्षक कर्मचारी तथा बिधार्थीहरुले तोकिए बमोजिमका स्वास्थ्य सुरक्षा मापदण्डको अनिबार्य पालना गर्नुपर्ने, बिधालय हाता भित्रै मास्क सेनिटाइजर र सावुन पानीको व्यवस्था हुनुपर्ने गाउँपालिकाले जनाएको छ ।
त्यस्तै बिधालय सञ्चालनमा आएपछि बिधालयहरुले शिक्षण गतिबिधिको बारेमा पालिकाको शिक्षा युवा तथा खेलकुद शाखामा जानकारी गराउने पर्ने गाउँपालिकाले जनाएको छ ।