गोरखा । लामो समय देखी बन्द मनकामना केबलकार आज देखी सञ्चालनमा आउने भनिएता पनि प्रशासनको अवरोधका कारण अझै केही दिन लाग्ने भएको छ ।
कोभिड–१९ का कारणले बन्द भएको केबलकार आइतबार अर्थात भाद्र २० गते देखी नियमीत सञ्चालनमा आउने भनियता पनि गोरखा र चितवन प्रशासनले तत्कालको लागी नचलाउन आग्रह गरेका कारण केही दिन ढिला गरी सञ्चालनमा आउने स्टेशन म्यानेजर उज्वल शेरचनले बताए । ‘देशैभर कोरोना संक्रमण कम भएकोले हामीले आज देखी केबलकार सञ्चालन ल्याउने भनेुर सूचना पनी जारी गरयौ’ भन्दै ‘तर गोरखा र चितवन प्रशासनले केही दिन ढिला गरी सञ्चालन गर्न आग्रह गरेको कारण आज बाट सञ्चालनमा ल्याउन सकेनौ’ शेरचनले भने ।
आज देखी केबलकार सञ्चालन आउने भए पछि प्राविधिक टोलीले पटक पटक केबलकारको निरिक्षण समेत गरेको र तयारी पुरा गरेको थियो ।
यता जिल्ला प्रशासन कार्यालय गोरखाका प्रमुख जिल्ला अधिकारी शालिग्राम शर्मा पौडेलले जिल्ला कोभिड ब्यवस्थापन समितिको निर्णय पछि मात्र सञ्चालन गर्न आग्रह गरेको बताए । ‘समितिको बैठक भोलीको लागी राखेको छु । त्यसबाट निर्णय भए पछि सञ्चालनमा आउने’ प्रजिअ पौडेलले बताए ।
अहिले केवलकारको मुख्य द्वारमा चितवन प्रहरीले अबरोध गरेको छ । सबै यात्रुलाई अहिले सञ्चालन नआउने भन्दै फर्काएको एक तिर्थ यात्रीले जनकारी दिए । ‘सूचना पढेर मन्दिर जान भनेर आयौ । जाने कि फर्कने भन्नेमा नै दोमन भएको छ’ ति यात्रीले भने ।
गएको बिहीबार मात्रै पनि प्रसिद्व धार्मिक तिर्थसथल मनकामना मन्दिर खोल्ने बिषयमा जिल्ला कोभिड ब्यवस्थापन समिति गोरखाले निर्णय गरे लगत्तै मनकामना दर्शन प्रालिले यात्रुहरुको सहजताका लागी आज देखी केबलकार सञ्चालनमा ल्याउने भनेर सूचना समेत जारी गरेको थियो ।
यस अघि पनि केबलकार प्रशासनले नेपाल सरकारले तोकेको सुरक्षाको सबै मापदण्ड पुरा गराएर मात्र केबलकार सञ्चालनमा ल्याएको थियो ।
कोरोनाको दोस्रो लहर संगै केबलकार गएको बैशाख १६ गते देखी बन्द छ । केबलकारले मात्रै बार्षिक १६ लाख भन्दा बढी तिर्थ यात्राीलाई मनकामना मन्दिर ओसार पसार गर्दै आएको छ ।
लामो समय बन्द हुदा करोडौ रुपैयाँ नोक्सानी भएको केबलकार प्रशासनले जनाएको छ ।
तस्बिर मनकामना दर्शन प्रालि
