गोरखा । नोबल कोरोना भाइरस (कोभिड–१९)बाट आज गोरखामा थप ९ जनामा संक्रमण पुष्टी भएको छ ।
जिल्लाको गोरखा र पालुङटार नगरपालिका तथा धार्चे र भिमसेन थापा गाउँपालिकामा ९ जनामा संक्रमण देखिएको स्वास्थ्य कार्यालय गोरखाले जनाएको छ ।
संक्रमण देखिएका मध्ये १ जना पीसीआर र ८ जना एन्टिजेन परिक्षणका क्रममा देखिएको कार्यालयले जनाएको छ ।
आज संक्रमण देखिएकाहरुमा पीसीआर तर्फ गोरखा नगरपालिकामा १ जना महिला र एन्टिजेन तर्फ पालुङटार नगरपालिकामा ५ जना महिला र १ जना पुरुष तथा धार्चे गाउँपालिकामा १ जना महिला र भिमसेन थापा गाउँपालिकामा १ जना पुरुषमा संक्रमण देखिएको छ ।
आज प्र्रदेश स्वास्थ्य निर्देशनालय पोखराबाट २ जना महिला र ४ जना पुरुषको पीसीआर नतिजा प्राप्त भएको थियो भने जिल्लाको विभिन्न स्थानिय तहमा ३२ जना महिला र १९ जना पुरुषको एन्टिजेन परिक्षण गरिएको थियो ।
शुक्रबार सम्म जिल्लाको चुमनुब्री, बारपाक सुलिकोट र शहिदलखन गाउँपालिकामा शुन्य संक्रमित रहेको र अन्य ८ पालिकामा भने १ जना देखी ३९ जना संक्रमित रहेका छन् ।
शुक्रबार सम्म जिल्लाको ८ स्थानिय तहमा १०४ जना र जिल्ला बाहिर १ जना सक्रिय संक्रमित रहेको कार्यालयले जनाएको छ ।
