गोरखा । गोरखामा बैशाख २६ गते देखी जारी निषेधाज्ञा हटेको छ ।
जिल्ला कोभिड ब्यवस्थापन समितिको आजको बैठकले शनिबार अर्थात भाद्र १९ गतेदेखी लागु हुने गरी निषेधाज्ञालाई खुकुलो पारेको हो ।
अब भने जिल्ला भित्र साता दिन अगाडी देखी निजी तथा सार्वजनीक सवारी साधनमा लगाइएको जोर बिजोर हटने भएको छ ।
बिहानदेखी दिउसो २ बजे सम्म बजार खुल्ने निर्णयलाई सच्याएर दिनैभरी खुल्न पाउने ब्यवस्था गरेको छ । बैठकले साँझ ७ बजे सम्म नै बजार खुल्ला हुने गरी निषेधाज्ञालाई खुकुलो परेको हो ।
त्यस्तै गरी ब्यूटी पार्लर, जिम खाना, कर्भडहल देखी शैलुन सम्मलाई पनि खुल्ला गरेको छ । बैठकले होटल तथा रेष्टुरेन्टलाई राती ८ बजे सम्म खोल्न अनुमती दिएको छ ।
शैक्षिक क्षेत्रको बिषयमा भने पालिका आफैले निर्णय गरेर बिद्यालय सञ्चालन गर्न सक्ने गरी निर्णय भएको जिल्ला प्रशासन कार्यालय गोरखाले जनाएको छ ।