तस्बिर साैजन्य : गाेरखा प्रहरी
गोरखा । गोरखा बजारमा तास खेली रहेका ८ जना ब्यत्ति सहित २ लाख भन्दा बढी नगद बराम भएको छ ।
गोरखा नगरपालिका ६ को हरमटारी क्षेत्रको रेडक्रश मार्गमा तास खेली रहेका ८ जना सहित प्रहरीले २ लाख २८ हजार ७३० रुपैयाँ बराम गरिएको गोरखा प्रहरी जनाएको छ ।
स्थानिय गणेश श्रेष्ठको घरमा जुवा तास खेली होहल्ला गरेको सूचना प्रहरीलाई प्राप्त भए लगत्तै गोरखा प्रहरीले छापा मार्दा गोरखा नगरपालिका ८ बस्ने ३५ बर्षको बुद्वी घले, ४४ बर्षका बसन्तकुमार गुरुङ, गोरखा नगरपालिका ६ बस्ने बर्ष ३१ को राम गुरुङ, बर्ष ४९ को भरत श्रेष्ठ, सिरानचोक गाउँ पालिका ६ बस्ने बर्ष ३१ को धिरज गुरुङ, बर्ष २८ को सबिन गुरुङ, अजिरकोट गाउँ पालिका ४ बस्ने बर्ष ४४ को सुके भन्ने धनबहादुर गुरुङ, धार्चे गाउँ पालिका २ बस्ने बर्ष २९ को समिर गुरुङ समेत ८ जनालाई प्रहरीले जुवा तास खेलि रहेको अवस्थामा फेला पारी पक्राउ गरिएको जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी प्रकाश दाहालले बताए ।
प्रहरीको खानतलासीको क्रममा निजहरुले जुवा तास खेल्दै गरेको तास बुक थान ४, तास खेलि रहेको खालबाट रितपुर्वक बरामद गरेको २ लाख २८ हजार ७३० रुपैयाँ बरामद भएको प्रहरी कार्यालयले जनाएको छ ।
उनीहरुले तास खेल्न प्रयोग भएको निलो बुट्टे रंगको गलैचा १ थान, रातोमा कालो रंगको धर्का भएको कम्बल १ थान समेत बरामद भएको गोरखा प्रहरीले जनाएको छ ।
कानून बमोजिम बरामद गरी आजै निजहरु विरुद्ध मुलुकी अपराध संहिता २०७४ बमोजिम जुवा सम्बन्धी कसूरमा मुद्दा दर्ता गरी जिल्ला प्रशासन कार्यालय गोरखाबाट ४ दिनको म्याद लिएर अनुसन्धान थालेको प्रहरी उपरिक्षक शेखर खनालले बताए ।