गोरखा । गोरखामा आज थप ३० जनामा संक्रमण पुष्टी भएको छ । सोमबार जिल्लाको गोरखा अस्पताल, पालुङटार नगरपालिका, आरुघाट र भिमसेन थापा गाउँपालिकामा गरी ३० जनामा संक्रमण देखिएको स्वास्थ्य कार्यालय गोरखाले जनाएको छ ।
आज संक्रमण देखिएकाहरुमा पीसीआर तर्फ २७ जना एन्टिजेन तर्फ ३ जना रहेका छन् । संक्रमित मध्ये आरुघाट गाउँपालिकाको मात्र २५ रहेको कार्यालयले जनाएको छ ।
आज संक्रमण देखिएकाहरुमा पीसीआर तर्फ आरुघाट गाउँपालिकामा १५ जना महिला र १२ जना पुरुष र भिमसेन थापा गाउँपालिकामा २ जना पुरुष रहेका छन् ।
त्यस्तै गरी एन्टिजेन तर्फ गोरखा अस्पतालमा १ जना महिला र पालुङटार नगरपालिकामा २ जना महिलामा संक्रमण देखिएको छ । संक्रमित ३० जना मध्ये १८ जना महिला र १२ जना पुरुष रहेका छन् ।
आज प्रदेश स्वास्थ्य निर्देशनालयबाट ७१ जना महिला र ४४ जना पुरुषको पीसीआर नतिजा प्राप्त भएको कार्यालयले जनाएको छ । त्यस्तै गरी आज जिल्लाको विभिन्न स्थानिय तहमा गरी १२ जना महिला र ४ जना पुरुषमा एन्टिजेन परिक्षण गरिएको थियो ।
गोरखामा आज सम्म १५५ जना सक्रिय संक्रमित रहेको पनि कार्यालयले जनाएको छ । सोमबार सम्म जिल्लाको शहिद लखन, सिरानचोक र चुमनुब्री गाउँपालिका कोरोना शुन्य पालिकामा परिणत भएका छन् ।