काठमाण्डौं । गोरखाका सुरेश परियार बसका सहचालक हत्या आरोपमा राजधानीबाट पक्राउ परेका छन् ।
गोरखा सिरानचोक गाउँपालिका ६ घर भएका १८ वर्षीय परियारलाई बसका सहचालकको हत्या गरेको आरोपमा आज चितवनको पोखरा बसपार्कबाट प्रहरीले पक्राउ गरेको महानगरीय प्रहरीले जनाएको छ ।
गएको साउन २८ मा साँझ साढे ६ः०० बजे रोकिराखेको बा. ४ ख ४२१ नम्बरको बसमा १९ वर्षीय रमेश खत्रीको हत्या गरिएको अवस्थामा शव फेला परेको थियो । मृतक चक्रपथ परिक्रमा गर्ने सोही बसका सहचालक हुन् ।
हत्या आरोपीलाई महानगरीय अपराध महाशाखा र महानगरीय प्रहरी वृत कालिमाटीबाट खटिएको टोलीले पक्राउ गरेर काठमाण्डौं ल्याएको छ ।
सिन्धुपाल्चोकको चौतारा घर भएका खत्रीलाई सुरेशले ढुंगाले हिर्काएर हत्या गरेको महानगरीय प्रहरी परिसर काठमाण्डौंका प्रवक्ता रमेश बस्नेतले जानकारी दिए ।
ज्याकेट भित्र ढुंगा बेरेर हिर्काएर खत्रीको हत्या गरेका थिए । हत्यापछि मृतकको कपडा र मोवाइल बोकेर उनि फरार भएका थिए ।
उनलाई ज्यान सम्बन्धि कसुरमा म्याद थप गरेर अनुसन्धान सुरु गरिरहेको छ ।
