काठमाण्डौँ – खनाल–नेपाल समूहको स्थायी कमिटी बैठक आज पनि बस्ने भएको छ ।
आफू निकट सांसदहरुले सामूहिक राजीनामा दिनेबारे थप छलफल गर्न स्थायी कमिटी बैठक बस्न लागेको हो ।
हिजो शनिबार साँझ बसेको बैठकले २०७५ जेठ २ मा फर्कन अध्यक्ष केपी शर्मा ओलीलाई २४ घण्टे अल्टिमेटम दिने निर्णय गरेको थियो ।
अदालतको फैसलाअनुसार एमाले पार्टी संरचना, विधान र नेतृत्व मान्न ओली तयार नभए सामुहिक राजीनामा दिन सांसदहरु तयार भएपछि थप छलफल आजको स्थायी कमिटीको बैठक बस्न लागेको हो ।
अध्यक्ष एवं प्रधानमन्त्री ओलीलाई सरकारमा निरन्तरता दिनु भन्दा सामूहिक राजीनामा दिने निर्णयमा खनाल–नेपाल पक्षका सांसदहरु पुगेका हुन् । शनिवारको छलफलमा प्रत्यक्षतर्फका २० जना सांसदहरुले सामूहिक राजीनामा पत्रमा हस्ताक्षर गरी नेता माधवकुमार नेपाललाई बुझाइ सकेका छन् ।
प्रधानमन्त्री ओलीले विश्वासको मत लिनका लागि भोलि संसद्को अधिवेशन बोलाइएको छ ।
