काठमाण्डौं – नोबल कोरोना भाइरस (कोभिड–१९)बाट आज नेपालमा थप ७ हजार ४४८ जनामा कोरोना संक्रमण पुष्टी भएको छ ।
देशको विभिन्न प्रयोगशालामा गरिएको १६ हजार ५५८ पिसिआर र ५१८ एन्टीजेन परिक्षण गर्दा ७ हजार ४४८ जनामा संक्रमण पुष्टी भएको स्वास्थ्य तथा जनसंख्या मन्त्रालयले पुष्टी गरेको हो । यो संगै नेपालमा संक्रमितहरुको कुल संख्या ३ लाख ४३ हजार ४१८ जना पुगेको छ ।
पछिल्लो २४ घण्टामा २ हजार २१ जना कोरोना संक्रमितहरु निको भएका छन् । यो सहित निको हुनेको संख्या २ लाख ८६ हजार १५ जना पुगेको मन्त्रालयले जनाएको छ ।
३७ को मृत्यु
पछिल्लो २४ घण्टामा नेपालमा संक्रमणबाट ३७ जनाको मृत्यु भएको छ । यो सहित संक्रमणबाट मृत्यु हुनेको संख्या ३ हजार ३६२ पुगेको छ ।
