एजेन्सी – नोबल कोरोना भाइरस (कोभिड–१९)का कारण भारतमा एकैदिन ३ लाख ५४ हजार बढी संक्रमण पुष्टी भएको छ ।
भारतमा कोरोना संक्रमण देखिए यता यो अहिले सम्मकै उच्च दरमा संक्रमण भएको हो । पछिल्लो २४ घण्टामा भारतमा ३ लाख ५४ हजार ६५३ जनामा संक्रमण देखिएको भारत सरकारले पुष्टी गरेको हो । यो सहित भारतमा संक्रमितहरुको संख्या १ करोड ७३ लाख ६ हजार ४२० जना पुगेको छ ।
त्यस्तै गरी पछिल्लो २४ घण्टामा भारतमा एकैदिन कोरोना संक्रमणका कारण २ हजार ८१२ जनाको मृत्यु भएको छ ।
भारत यो समय कोरोना महामारीको भयानक अवस्थाबाट गुज्रिरहेको छ । भारतमा लगातार पाँचौ दिनसम्म ३ लाख बढी संक्रमित देखा परेको हो ।
