काठमाण्डौं – त्रिकोणात्मक टी–ट्वान्टी क्रिकेट सिरिजको फाइनल खेलमा मलेसियालाई हराएर नेपाल विजेता बन्न सफल भएको छ ।
राजधानीको टियु क्रिकेट मैदानमा आज भएको अन्तिम लिग खेलमा मलेसियालाई ६९ रनले पराजित गर्दै नेपाल फाइनल पुगेको हो ।
नेपालले दिएको २१८ रनको लक्ष्यसहित जवाफी ब्याटिङ गरेको मलेसिया १९ ओभर १ बलमा अलआउट हुँदै १४८ रनमा समेटिएको थियो ।
टस हारेर पहिले ब्याटिङ गरेको नेपालले २० ओभरमा ७ विकेट गुमाएर २१७ रन बनाएको थियो ।
पालका लागि कुशल भुर्तेलले १६, कप्तान ज्ञानेन्द्र मल्लले ४१, आसिफ सेखले ४२, उपकप्तान दिपेन्द्र सिंह ऐरीले ३३ रन जोडे । त्यस्तै करण केसीले १३ बलमा ७ छक्का प्रहार गर्दै ४५ र कुशल मल्लले अविजित १९ रन जोडेका थिए ।
मलेसियाका लागि अनवर रहमान, फित्री शाम र साद अजिजले समान दुई÷दुई र मोहम्मद आफिकले एक विकेट लिए ।
अब नेपालले फाइनलमा नेदरल्याण्डसँग शनिवार प्रतिस्पर्धा गर्नेछ । नेदरल्याण्ड दोस्रो स्थानमा रहेर फाइनलमा पुगेको हो ।
