काठमाण्डौं – स्वास्थ्य तथा जनसंख्या मन्त्रालयले उपत्यकासहित देशका ठूला सहरमा रहेका शिक्षण संस्था १ महिना बन्द गर्न सिफारिस गरेको छ ।
स्वास्थ्यमन्त्री हृदयेश त्रिपाठीले संक्रमणको जोखिम बढ्दै गएको भन्दै १ महिना शिक्षण संस्था बन्द गरेर अनलाइन पठनपाठनको व्यवस्था मिलाउन सिफारिस गरेको बताए ।
‘केही दिन यता फेरि कोरोना संक्रमण बढ्दै गएको भन्दै मन्त्री त्रिपाठीले त्यसको रोकथाम तथा नियन्त्रणका निम्ति यस्तो प्रस्ताव अगाडि बढाइएको समेत बताए ।
मन्त्रालयले तत्कालका लागि अनलाइन माध्यमबाट पठनपाठनको व्यवस्था गर्नेगरी विद्यालय बन्द गर्न सिफारिस गरेको हो ।
पछिल्लो समय विद्यार्थी र शिक्षकहरुमा समेत संक्रमण देखिन थालेको भन्दै मन्त्रालयले यस्तो सिफारिस गरेको हो ।
