लमजुङ – लमजुङ सदरमुकामको बेसीशहरमा गएराती हार्डवेयर पसलमा आगलागी भएको छ ।

बेसीशहर नगरपालिकाको दनैफाँटमा रहेको गंगाबहादुर थापाले सञ्चालन गर्दै आएको बेसीशहर हार्डवेयरमा आगलागी हुँदा पसलका सम्पूर्ण सामग्री जलेर नष्ट भएको छ । आगलागीबाट झण्डै १ करोड बराबरको क्षति भएको अनुमान गरिएको छ ।

आइतबार १० बजे अचान आगलागी भएको लमजुङ प्रहरीले जनाएको छ । आगलागी संगै हार्डवेयर पसलसंगै जोडिएका अन्य घरका छिमेकीले हारगुहार गरेका थिए । आगो स्थानिय, प्रहरी र दमकलको सहयताले नियन्त्रणमा लिइएको थियो ।

आगलागी हुँदै गर्दा पसलभित्रै राखिएको एउटा कार भने स्थानीयले धकेलेर सडकमा ल्याएका थिए । कारलाई भने कुनै पनि क्षति नभएको स्थानियले बताए । सटरको चापी फोडेर कार निकालिएको थियो ।

आगलागीमा परी पसलभित्र रहेका ग्यासको सिलिण्डर ठूलो आवाज सहित विष्फोट भएको प्रहरीले जनाएको छ । आगलागीले पसलमा रहेको सबै सामान नष्ट भएको सञ्चालक थापाले बताए ।

आगालागी नियन्त्रणको क्रममा एकजना घाइते भएका छन् । आगलागीबाट तातेको सटरले च्यापिएर बेसीशहरमा मजदुरी गर्ने बारा देउताल ४ का ३५ बर्षीय राजेश्वर पासवान घाइते भएका छन् । उनको जिल्ला अस्पतालमा उपचार भई रहेको छ ।

लमजुङ्गबाट मिलन शर्मा दनैकाे सहयाेगमा

लेखकबाट थप:

• आज बसेकाे मन्त्री परिषद बैठकले के-के निर्णय गर्याे त ?
• माधव कुमार नेपाल विरुद्ध अर्काे भ्रष्टाचार मुद्दा दर्ताकाे तयारी
• सोलुखुम्बु हेलीकप्टर दुर्घटना : भारतिय नागरिककाे मृत्यु, न्युजिल्यान्डका नागरिक घाइते
• सुनकाे मूल्य बढ्याे, चाँदीकाे घट्याे
• सोलुखुम्बुमा २ हेलिकप्टर जुध्दा दुर्घटना