काठमाण्डौँ – स्पेनिस ला लिगा फुटबलमा बार्सिलोनालाई हराउँदै रियल म्याड्रिड शीर्ष स्थानमा उक्लिएको छ ।
शनिबार राती भएको खेलमा बार्सिलोनालाई २–१ गोलले हराउँदै रियल म्याड्रिड विजयी भएको हो ।
रियलका तर्फबाट करिम बेन्जेमा र टोनी क्रुजले १–१ गोल गरेका थिए । बार्सिलोनाका ओस्कार मिंगुएजाले पनि १ गोल फर्काए ।
जितसँगै रियल ६६ अंकसहित ला लिगाको शीर्ष स्थानमा उक्लिएको छ । एक खेल कम खेलको एथ्लेटिको म्याड्रिडको समान अंक भएपनि गोल अन्तरका आधारमा दोस्रो स्थानमा छ । ६५ अंक जोडेको बार्सिलोना भने तेस्रो स्थानमा छ ।