काठमाण्डौं – राष्ट्रपति विद्यादेवी भण्डारीले मेलम्ची खानेपानी आयोजनाको पानी वितरण कार्यको आज एक कार्यक्रम बिच उद्घाटन गरेकी छन् ।
काठमाण्डौंको भृकुटीमण्डमा शुक्रबार आयोजित कार्यक्रमका बीच राष्ट्रपति भण्डारीले धारा खोलेर औपचारिक उद्घाटन गरेकी हुन् ।
भृकुटीमण्डपमा मेलम्चीबाट आएको पानी २४ सैं घण्टा वितरण हुने गरी ढुङ्गेधारा बनाइएको छ ।
उद्घाटन कार्यक्रममा प्रधानमन्त्री केपी शर्मा ओली, उपप्रधानमन्त्री ईश्वर पोखरेल, सूचना तथा सञ्चारमन्त्री पार्वत गुरुङ लगायतका मन्त्रीहरु सहभागी भएका थिए ।
मेलम्चीको पानी हालसम्म महांकाल, मीनभवन, खुमलटार, अनामनगर र बालाजु क्षेत्रमा वितरण शुरु गरिएको छ ।
