एजेन्सी – अमेरिकी चुनावको बिषयमा बिवाद बढदै जान थाले पछि रुसले अमेरिकामा रहेको आफ्नो राजदुत फिर्ता बोलाएको छ ।
रुसले वासिङ्टनमा रहेका आफ्ना राजदूत अनाटोली एन्टोनोभलाई मस्को फिर्ता बोलाइएको हो ।
रुसले अमेरिकासँगको सम्बन्ध ‘अँध्यारो गल्ली’को अवस्थामा पुगेको प्रतिक्रिया दिएको छ । अमेरिकी चुनावमा रुसले दखल दिएको आरोपकाबीच राष्ट्रपति जो बाइडनले भ्लादिमिर पुटिनले त्यसको ‘मूल्य चुकाउनुपर्ने’ भनेपछि मस्कोले पछिल्लो कदम चालेको हो ।
यसअघि रुसले अमेरिकी चुनावी अभियानलाई कमजोर पार्ने प्रयास गरेको निष्कर्ष निकालेको एउटा अमेरिकी गुप्तचर प्रतिवेदन सार्वजनिक भएको थियो ।
त्यसमा प्रतिक्रिया जनाउँदै अमेरिकी राष्ट्रपति जो बाइडनले रुसी राष्ट्रपति भ्लादिमिर पुटिन एउटा क्षति पुर्याउने व्यक्ति अर्थात् ‘किलर’ रहेको आफूलाई लागेको उल्लेख गरेका थिए ।
प्रतिवेदनमा बाइडनलाई बदनाम गर्न र डोनल्ड ट्रम्पलाई प्रोत्साहन गर्नेगरी थुप्रै उपायहरू अपनाएको उल्लेख छ । मस्कोले ती आरोपहरू अस्विकार गर्दै आएको छ ।
प्रतिवेदनको आधारमा अमेरिकाले अर्को देखी रुसमाथि प्रतिबन्धहरू लगाउने तयारी गरिरहेको छ ।
