काठमाण्डौं – महाशिवरात्रीको सबै तयारी पुरा भएको छ । पशुपती क्षेत्र विकास कोषले पत्रकार सम्मेलन गरी शिवरात्रीमा पशुपती दर्शनको सबै तयारी पुरा भएको जनाएको हो ।
महाशिवरात्रीमा लाईन व्यवस्थापन, सुरक्षा व्यवस्था, सरसफाई, जुत्ताचप्पलको ब्यवस्थानको तयारी पुरा भइसकेको जनाएको कोषले जनाएको छ ।
कोषका अनुसार दर्शनका लागि बिहीबार विहान ४ः०० बजे देखि ४ वटै ढोका खुल्ला गर्ने व्यवस्था गरिएको छ । दर्शनार्थीको सुरक्षा तथा व्यवस्थापनका लागि ४ हजार स्वंमसेवक, नेपाल प्रहरी र सशत्रप्रहरी गरी करिब ८ हजार सुरक्षाकर्मीहरु परिचानल गरिने भएको छ ।
पशुपती दर्शका लागि भनेर पशुपती विकास कोषले ३ वटा लाईनको व्यवस्था गरको छ । मित्रपार्क गौरीघाट, उमाकुण्ड दक्षिणामूती हुँदै रुद्रगाडेश्वर उतरढोकाबाट एक लाईन, जयवागेश्वरी इटापाखा भएर भुवनेश्वरीस्थित फलामे ढोका हुदैं पश्चिम ढोका तर्फ अर्को लाइन र बत्तिसपुतली गौशाला, एरपोर्ट तीलगंगा भएर पिङ्गलास्थान सुमार्गी भवन अगाडीबाट चारशिवालय पञ्चदेवल हुदै दक्षिण ढोकाबाट अर्को एक लाइनको व्यवस्था गरको छ ।
कोषले पशुपती दर्शका लागि आउँनेलाई अनिर्वाय मास्क लगाउन भनेको छ ।
