काठमाण्डौं – सरकार र विप्लव नेतृत्वको नेपाल कम्युनिस्ट पार्टीबीच ३ बुँदे सहमतिमा हस्ताक्षर भएको छ ।
राजधानीको राष्ट्रिय सभागृहमा प्रधानमन्त्री केपी शर्मा ओली र नेकपा विप्लव समूहका महासचिव नेत्रविक्रम चन्द (विप्लव)को उपस्थितिमा वार्ता टोलीका संयोजकहरु गृहमन्त्री रामबहादुर थापा बादल र नेकपाका खड्गबहादुर विश्वकर्माले सहमतिपत्रमा हस्ताक्षर गरेका थिए ।
सहमति पत्र
१) दुबै पक्ष नेपाल सरकार नेपाल कम्युनिस्ट पार्टी देशको राजनीतिक समस्याहरु वार्ता र सम्वादबाट समाधान गर्न सहमत भएका छौं ।
२) नेपाल कम्युनिस्ट पार्टी आफ्ना सबै राजनीतिक क्रियाकलाप शान्तिपूर्ण रुपमा गर्न सहमत भएको छ ।
३) नेपाल सरकार नेपाल कम्युनिस्ट पार्टीमाथि लगाएको प्रतिबन्ध हटाउन, कारागारमा रहेका पार्टीका नेता र कार्यकर्ता रिहाई गर्न र सम्पूर्ण मुद्दाहरु खारेज गर्न सहमत भएको छ ।
दुवै तर्फका बार्ता टोलीले बिहीबार ड्राफ्ट गरेको सहमति पत्रमा हस्ताक्षर गरेका हुन् ।
