काठमाण्डौं – सरकारले नेत्र विक्रम चन्द समूहसँग वार्ता गृहमन्त्री रामबहादुर थापा सहित २ सदस्यीय वार्ता टोली गठन गरेको छ ।
वार्ता टोलीमा गृहमन्त्री थापा र प्रधानमन्त्रीका विदेश मामिला सल्लाहकार डा.राजन भट्टराई रहेको
२ सदस्यीय समिति गठन गरेको हो ।
सरकारका प्रवक्ता तथा सञ्चारमन्त्री पार्वत गुरुङले आज सञ्चारमन्त्रालयमा पत्रकार सम्मेलन गरी वार्ता टोली गठनको जानकारी दिएका हुन् । उनले चाँडै विप्लव समूहको वार्ता टोली पनि सार्वजनिक हुने र छलफल अघि बढ्ने बताए ।
प्रतिबन्ध नहटाई कसरी वार्ता हुन्छ भन्ने सञ्चारकर्मीहरुको प्रश्नमा मन्त्री गुरुङले ती सबै वार्ताकै क्रममा टुंगो लाग्ने जानकारी दिए ।
गएको शनिबार नेकपा महासचिव चन्दले विज्ञप्ति जारी गरेर सरकारले वातावरण बनाएमा वार्ताका लागि तयार रहेको बताएका थिए ।
मन्त्रिपरिषदले चन्द समूहमाथि २०७५ फागुन २८ गते प्रतिबन्ध लगाएको थियो ।
