तनहुँ – तनहुँको दुलेगौँडामा भएको मोटरसाइकल दुर्घटनामा गंभिर घाईते भएका १ जना युवाको उपचारको क्रममा पोखरामा मृत्यु भएको छ ।
आइतबार बिहान भएको दुर्घटनामा परी गम्भिर घाइते भएका शुक्लागण्डकी ८ ढोरफिर्दीका सन्देश भट्टराईको मृत्यु भएको हो । दुर्घटनामा गंभिर घाईते भएका भट्टराईको पोखरास्थित पोखरा स्वास्थ्य विज्ञान प्रतिष्ठनामा उपचारको क्रममा मृत्यु भएको प्रहरीले जनाएको छ ।
गाछेपानीबाट दुलेगौडा आउदै गरेको ग. १३ प ६२५ नं को स्कुटर र विपरीत दिशाबाट जाँदै गरेको ग. १९ प ३७०६ नं को मोटरसाइकल एक आपसमा ठक्कर खाएर दुर्घट्ना हुदा भट्टराई गंभिर घाईते भएका थिए ।
अर्को मोटरसाइकल चालक अमृत श्रेष्ठको टाउकोमा चोट लागेको छ । श्रेष्ठको पनि पोखरामा उपचार भइरहेको प्रहरीले जनाएको छ ।
