काठमाण्डौं – नेकपा दाहाल–नेपाल समूहको चौथो चरणको आन्दोलन कार्यक्रम सार्वजानिक गरिएको छ । आइतबार पेरिसडाँडामा पत्रकार सम्मेलन गर्दै समूहले थप आन्दोलनको कार्यक्रम घोषणा गरेको हो ।
चौथो चरणको आन्दोलन अन्तरर्गत फागुन ६ गते प्रतिगमन, महंगी र भ्रष्टाचारको बिरोधमा काठमाण्डौंको टुँडिखेल वरपर मानव साङ्लो बनाएर प्रदर्शन गर्ने कार्यक्रम तय गरिएको छ ।
त्यस्तै फागुन १२ गतेसम्म सम्बन्धित प्रदेश कमिटीको योजनामा जिल्लास्तरीय विरोध प्रदर्शन, सभा लगायतका कार्यक्रम गर्ने निर्णय भएको छ ।
फागुन ७ गते देशै भरका पालिकाको वडाहरुमा विरोध प्रर्दशन गर्ने र ८ गते काठमाण्डौंमा प्रतिगमनविरुद्ध बृहत् अनतरक्रिया कार्यक्रमसमेत गरिने भएको छ ।
प्रधानमन्त्री केपी शर्मा ओलीले प्रतिनिधिसभा विघटन गरेपछि दाहाल–नेपाल समूह निरन्तर संघर्ष गर्दै आएको छ ।
