काठमाण्डौं – नेकपा दाहाल–नेपाल समूहकी नेतृ रामकुमारी झाँक्रीले प्रधानमन्त्री केपी ओलीलाई कागजी बादशाहको संज्ञा दिएकी छिन् ।
राजधानीमा भएको आजको विरोध कार्यक्रममा बोल्दै झाँक्रीले कागजी बादशाह ओलीलाई जनताको नजरबाट ढलिसकेकोले घोषणा मात्र गर्न बाँकी रहेको समेत बताइन ।
उनले आफुले व्यक्तिको नभई ओली प्रवृत्तिको विरोध गरेको भन्दै पार्टीमा आगामी दिनमा यस्तो प्रवृत्ति जन्म हुने नदिने प्रतिवद्धता जनाउन सबै नेताहरुलाई आग्रहसमेत गरिन् ।
कार्यक्रममा बोल्दै झाँक्रीले राष्ट्रपति विद्यादेवी भण्डारीमाथि सन्की प्रधानमन्त्री केपी शर्मा ओलीको प्यादा बनेको आरोप लगाएन् । नेतृ झाँक्रीले संविधानको चीरहरण गर्नेविरुद्ध बोल्न पाइन्छ भन्दै अँध्यारोमा षड्यन्त्र गर्नेहरुविरुद्ध बोल्न कसैले रोक्न नसक्ने बताइन् ।
उनले राष्ट्रपति संस्था सम्माननीय भएपनि त्यो संस्थामा रहेका व्यक्तिले गर्ने षड्यन्त्र विरुद्ध बोल्न कसैले रोक्न नसक्ने चेतावनी दिइन् । उनले राष्ट्रपति जस्तो सम्माननीय संस्था आफूहरुको बलिदानीले प्राप्त भएको र त्यस संस्थाविरुद्ध बोल्ने दुस्साहस आफूले नगरेको बताइन् ।
कुनै व्यक्ति निर्वाचनको प्रक्रियाबाट त्यो संस्थामा गएर निरंकुशताको साक्षी बस्छ, एउटा प्यादा बन्छ भने त्यस्ता पात्रविरुद्ध बोल्न पाइन्छ उनले भनिन् ।
राष्ट्रपतिबारे गोरखाको एक कार्यक्रममा गरेको टिप्पणीले नेपाल प्रहरीको खोजी सुचीमा परेकी झाँक्रीले मञ्चबाट चुनौती दिदा गर्दा नेपाल प्रहरी भने मौन नै बसेका थिए ।
