गोरखा – नेपाली काग्रेस गोरखाले आज संसद बिघटनको बिरोधमा जिल्लाको २ निर्वाचन क्षेत्रमा बिरोध प्रर्दशन गरेको छ ।
प्रतिनिधीसभा निर्वाचन क्षेत्र नम्बर १ अन्तरर्गत गण्डकी गाउँपालिकाको ताङ्लिचोक र क्षेत्र नम्बर २ को अजिरकोट गाउँपालिकाको भच्चेकमा बिरोध सभा सम्पन्न गरेको हो ।
प्रधानमन्त्रीको सिफारिसमा राष्ट्रपति बिद्यादेवी भण्डारीले संसद विघटन गरेको भन्दै प्रधानमन्त्री केपी शर्मा ओलीले संसद बिघटन गरेर गैह्रसंबैधानिक काम गरेकाले तत्काल संसद पुनस्थापना गर्न माग गरेका थिए ।
सभामा बत्ताहरुले बर्तमान सरकारले जनताको अपेक्षा माथि कुठाराघात गरेको भन्दै बहुमत प्राप्त सरकारले संबिधानमा नै नभएको अधिकारको प्रयोग गरेको बताएका छन् । बिरोध प्रर्दशन अन्र्तगत प्रतिनिधिसभा निर्वाचन क्षेत्र नम्बर १ को कार्यक्रममा पार्टी केन्द्रिय सदस्य चीनकाजी श्रेष्ठ, जिल्ला सचिव नन्द्रप्रसाद न्यौपाने, महासमिति सदस्यहरु राजनराज पन्त, राजेन्द्र बजगाई, भुगोल थापा, पूणर्बहादुर दाहाल, कमला लामिछाने लगायतले सम्बोधन गरेका थिए ।
त्यस्तै गरी क्षेत्र नम्बर २ को भच्चेकमा भएको कार्यक्रममा केन्द्रिय सदस्य कमला पन्त, धनराज गुरुङ, जिल्ला सभापति हरिबहादुर घले, उपसभापति सुकदेव दवाडी, महासमिति सदस्य एवं गण्डकी प्रदेशका साँसद प्रकाशचन्द्र दवाडी, मुस्लिम संघका राष्ट्रिय अध्यक्ष अब्दुल सतार, महिला संघकी सभापति एवं महासमिति सदस्य मनकुमारी गुरुङ, अजिरकोट गाउँपालिका अध्यक्ष फडिन्द्र धिताल लगायतले सम्बोधन गरेका थिए ।
फाईल तस्बिर
