गोरखा – उत्तरी गोरखाको चुम नुब्री गाउँपालिकामा रहेको श्रृगी र कोयाखोला माथिको झोलुङे पुल निर्माण सम्पन्न भएको छ ।
चुम नुब्री गाउँपालिका ५ मा पर्ने दुवै खोला माथि बनेको पुल निर्माण सम्पन्न भए संगै पुलको उदघाट्न कार्यक्रम समेत सम्पन्न भएको पालिका अध्यक्ष धनबहादुर गुरुङ बताए । ‘पुल बने संगै श्रृगी गुम्बा जानको लागि ३ घण्टाको बाटो छोटिएको’ भन्दै अध्यक्ष गुरुङले ‘दुवै पुल निर्माण पछि उत्तरी गोरखामा आउने पर्यटकका लागि यात्रा सहज हुने छ’ भने ।
हालै निर्माण सम्पन्न भएको उत्त पुल मध्ये कोया खोला माथि बनेको पुलको पालिका अध्यक्ष धनबहादुर गुरुङले र श्रृगी खोला माथि बनेको पुल श्रृगी गुम्बाका प्रमुख लामा टिल्कु कर्म लामाले रिबन काटेर उदघाटन गरेका थिए ।
झोलुङे पुल निर्माणका लागि नेपाल सरकार संघिय मामिला तथा सामान्य प्रशासन मन्त्रालय मार्फत स्वीस सरकारको सर्सत अनुदान मार्फत १ करोड ९८ लाख ५० हजार ४८६ रुपैयाँ १२ पैसा पालिकालाई प्राप्त भएको प्रमुख प्रशासकिय अधिकृत भिमसेन श्रेष्ठले जानकारी दिए ।
‘श्रृगी खोला माथिको पुलकोलागि ९९ लाख ५४ हजार २५३ रुपैयाँ १२ पैसा र कोया खोला माथिको पुलकोलागि ९८ लाख ९६ हजार २३३ रुपैयाँ प्राप्त भएको’ अधिकृत श्रेष्ठले बताए । दुवै पुल उपभोत्ता समिति मार्फत निर्माण गरिएको हो ।
श्रृगी पुल ११० मिटर लामो छ भने कोया खोला पुल १२० मिटल लामो छ । दुवै पुलको एक कार्यक्रम बिच अध्यक्ष गुरुङ र श्रृगी गुम्बाका प्रमुख लामा टिल्कु कर्म लामाले गरेका थिए ।
श्रृगी खोला माथि बनेको पुलले अब श्रृगी गुम्बा जानका लागि ३ घण्टाको दुरी कम भएको गुम्बाका लामा टिल्कु कर्म लामाले बताए । ‘पहिला भिरको बाटो भएर तल माथि गर्दै गुम्बा जादाँ जोखिम पनि थियो । अब जोखिम पनि कम भयो र समयको पनि बचत भयो’ लामाले बताए ।
कोया खोला माथि बनेको पुलले भने साविक प्रोक, ल्हो र सामागाउँ अर्थात चुमनुब्री गाउँपालिकाको ४, २ र १ मा आउ जाउ गर्न सजिलो हुने वडा नम्बर ५ का वडाध्यक्ष सोनाम ग्याल्जेन लामाले बताए । ‘पहिलाको पुल जिर्ण थियो । ज्यान हत्केलामा राखेर हिड्नु पथ्र्यो । अब नयाँ पुल बने पछि सबै समस्या समाधान भएको छ’ वडाध्यक्ष लामाले भने ।
यो पुल बने संगै अब मनास्लु यात्रामा जाने तथा लार्के पास गर्ने पर्यटकलाई समेत सहज हुने भएको छ ।
दुवै खोला माथि बनेको पुल निर्माणकालागि हिमाली क्षेत्र बिकास केन्द्रले प्राविधिक सहयोग उपलब्ध गराएको केन्द्रका सचिव बिरबल घलेले बताए ।
तस्बिर अघ्यक्ष धनबहादुर गुरुङ
