गोरखा – सामान्य पनि जो कोहीले बिदेशमा रहेको राम्रो कमाई छाडेर स्वदेशमा कृषिमा कर्ममा लाग्लान भन्ने सोच्दैनन् । तर गोरखा बजारमा रहेका १ युवकले भने विदेशको राम्रो कमाई छाडेर अहिले ब्यवसायीक बट्टाई पालनमा लागेका छन् ।

१३ बर्ष विदेशमा रहेका काजीराम थापा अहिले आफ्नो राम्रो आम्दानी दिने जागिर दाउमा राखेर बट्टाईपालनमा लागेका हुन् ।

थापाले बहराईन, कुवेत, माल्दिभ्समा मात्रै १३ बर्ष बिताए । नोबल कोरोना भाइरस (कोभिड–१९)का कारण स्वादेशमा नै बसेर केही गर्ने योजना बनाए पछि ब्यवसायीक बट्टाई पालनमा लागेको थापाले सुनाए । ‘बिदेशबाट फर्किएपछि भविस्यमा स्वदेशमा गएर के गर्ने भनेर सोचि रहन्थे’ उनले भने, ‘यसमा थोरै लगानीबाट धेरै आम्दानी गर्न सकिने देखेपछि मैले व्यवसायिक बट्टाई पालन सुरु गरेको हो ।’

लकडाउन अघि नेपाल फर्किएका थापाले बजारमा रहेको आफ्नै घरमा सामान्य रुपमा सुरुवात गरेको बट्टाईपालनबाट राम्रो आम्दानी दिन थालेपछि बिदेश जाने मन मोडेर अहिले व्यवसायिक रुपमा बट्टाई पाल्न थालेका हुन् ।

सुरुमा एउटा खोरमा पालेको बट्टाईको अण्डाले बजारको माग थेग्न नसकेपछि थप खोरहरु निर्माण गरी २ थरीका बट्टाई पाल्न थालेका छन् । अहिले उनलाई बजारमा बट्टाईको अण्डाको माग थेग्न गारो परेको छ ।

बिस्तारै चल्लाको माग पनि बढेको भन्दै उनले अहिले आफ्नै घरमा ह्याचिङ मेशिन राखेर चल्ला उत्पादन समेत थालेका छन । उनी यतीमा मात्र सिमीत छैनन् । बजारमा जे माग आउछ त्यही गर्न तयार छन् । उनले कालो कुखुराका साथै स्थानिय जातका अन्य कुखुरा र कालिजको अण्डा समेत ह्याचिङ गर्न थाली सकेका छन् ।

थापाले ह्याचरीबाट मासिक ४ हजार बट्टाईको चल्ला उप्पादन गर्दै देशको विभिन्न स्थानमा बिक्री गर्दै आएको समेत बताए । उत्पादन गरेको पहिलो महिनामा नै २ हजार चल्ला बजारमा बिक्रि भए पछि उनी हौसिदै उत्पादनलाई बढाउने उद्वेश्यका साथ मेशिन थप गर्न लागेका छन् । बजारमा एउटा चल्लाको ४५ रुपैयामा बिक्रि हुने गरेको थापाले बताए ।

अण्डा भने उनले प्रति गोटा ८ रुपैयाँ ५० पैसामा बिक्रि गर्दै आएको अनुभव सुनाए । ‘अण्डा मात्रै मासिक ७ हजार गोटा भन्दा बढी बिक्रि गर्छु’ थापाले भने । उनले मासिक अण्डा बिक्रीबाट मात्रै ३० हजार रुपैयाँ आम्दानी गर्दै आएका छन् ।

राम्रो हेरबिचार र दानापानी मिलेको खण्डमा बट्टाईको चल्लाबाट गर्मीमा ३६ दिन र जाडोमा ४० देखी ४२ दिनमा अण्डा लिन सकिने छ । एउटा बट्टाईले एक बर्षमा कम्तीमा २५० वटासम्म अण्डा उत्पादन गर्न सक्छ । बट्टाइको अण्डा र मासु प्रयोगबाट दम, प्रेसर, सुगर, निमोनिया जस्ता बिरामीहरुलाई बढी फाइदा हुने गर्दछ ।

बिदेशको राम्रो कमाइमा जाँदा घरपरिवारबाट टाढा रहनु पर्ने बाध्यता अहिले हटेको थापाको अनुभव छ । घरमा सबै संग बसेरपनि थोरै लागनीमा राम्रो आम्दानी हुने गरेकोले बिदेशमा रहेका युवाहरुलाई स्वदेशमा नै आएर कृषिमा काम गर्न उनको अनुरोध छ ।

उनकाे फर्ममा पालिएकाे कालिज

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर