गोरखा – पत्रकार महासंघ र गोरखा नगरपालिका बिच मैत्रीपुर्ण फुटबल प्रतियोगिता सम्पन्न भएको छ ।
द ओसन क्लब दलभञ्ज्याङको आयोजनामा नेपाल पत्रकार महासंघ गोरखा र गोरखा नगरपालिका बिच मैत्रीपूर्ण फुटबल खेलमा सम्पन्न भएको हो ।
क्लबले हालै सम्पन्न गरेको गोरखा नगरपालिका ९ को दल भञ्ज्याङमा निर्माण गरेको आर्टिफीसियल टर्फ फुटबल खेल मैदानमा भएको खेलमा गोरखा नगरपालिकाले ६–३ अन्तरले बिजयी भएको छ द ओसन क्लबका अध्यक्ष अमित खत्रीले जानकारी दिए ।
खेलको पहिलो हाफमा ३ गोलले पछि परेको पत्रकारको टोलीले दोस्रो हाफमा दुवै समूहले ३–३ गोल गरेका थिए ।
मैत्री पुर्ण उत्त खेलमा गोरखा नगरपालिकाको टिमको तर्फबाट नगरप्रमुख राजनराजन पन्तले ३ गोल गरेर हेट्रिक गरेका थिए भने पत्रकारहरुको समूहबाट मोहसिन अलि मियाँले २ गोल र बिकास मरहट्टाले १ गोल गरेको क्लबले जनाएको छ ।
क्लबले गोरखा जिल्लामै पहिलो पटक करिब ५० लाख रुपैया भन्दा बढी खर्च गरेर कृतिम घाँसे मैदान निर्माण गरेको हो । घाँसे मैदान निर्माण सम्पन्न भएसंगै पहिलो पटक महांसघ र गोरखा नगरपालिका बिच मैत्रीपूर्ण फुटवल प्रतियोगिताको आयोजना गरेको हो ।
मैत्रीपूर्ण खेलको उद्घाटन कार्यक्रममा बोल्दै गोरखा नगरपालिकाका प्रमुख राजनराज पन्तले क्लबले गोरखा जिल्लामा कृतिम घाँसे मैदान निर्माण गरेर उदाहरणीय काम गरेको भन्दै प्रशंसा गरेका थिए । मेयर पन्तले घाँसे मैदान स्तरोन्नतीका लागि नगरपालिकाको तर्फबाट आगामी दिनमा पनि सहयोग जारी रहने प्रतिबद्धता गरे ।
क्लबले टर्फ निर्माण गर्दा ८ लाख भन्दा बढी ऋण लागेको भन्दै सहयोगीहरुलाई सहयोग गर्न समेत अपिल गरेको छ ।