गोरखा – नेपाल बिद्यार्थी संघले देशै चर्चित धार्मिक तिर्थ स्थल मनकामना मन्दिर खुलाउन पहल गर्न प्रशासनलाई ध्यानाकषर्ण पत्र बुझाएको छ ।
नेपाल बिद्यार्थी संघ शहिद लखन गाउँपालिका इकाई समितिले आज (आइतबार) प्रमुख जिल्ला अधिकारीलाई ज्ञापन पत्र बुझाउदै मन्दिर खुल्ला गर्न भनेको हो ।
इकाईले प्रजिअ तिर्थराज भट्टराईलाइ ज्ञापन पत्र बुझाउदै ‘बन्दाबन्दीले शहिद लखन भित्रको मठ, मन्दिर, चर्च, गुम्बा, मस्जिद लगायतका अन्य धार्मिक स्थलहरु बन्द हुदा स्थानियको रोजिरोटी गुमेको’ भन्दै ‘आवश्यक सुरक्षाको मापदण्ड पालना गर्ने गराउने गरी यस क्षेत्रको चर्चित मनकामना मन्दिर लगायतका सबै धार्मिक स्थलहरु संचालन गर्न गराउनु हुन शहिद लखन गाउँपालिका इकाई समिति अनुरोध गर्दछ’ भनिएको छ ।
विज्ञाप्तीमा बन्दका कारण ब्यापार, ब्यवसाय तथा उद्योग र साँस्कृतिक गतिविधी सून्य प्राय भएको भन्दै ‘यसको मारमा सयौ सर्वसाधारण रहेका छन् । कोभिडका बिचमा अहिले क्याम्पस, विद्यालय, ब्यापार, ब्यवसाय, उद्योग एवं साँस्कृतिक गतिविधिहरु सुरक्षाका उपाय अपनाएर सञ्चालनमा’ रहेको भन्दै मन्दिर सञ्चालनका लागि संघले प्रशासनलाई समन्वय र सहयोग गरिदिन भनेको छ ।
