गोरखा – कोरोना संक्रमण कायमै रहेको भन्दै गोरखा नगरपालिका क्षेत्र भित्र बिद्यालयहरु मङ्सिर १५ गतेसम्म बन्द रहने भएको छ ।
गोरखा नगरपालिकाले आज एक सूचना जारी गर्दै नगरक्षेत्र भित्र समुदाय स्तरमा र शिक्षकहरुमा पनि कोरोना संक्रमण देखिएकाले थप संक्रमण फैलन नदिन सवै बिधालय बन्द गर्ने निर्णय गरेको हो ।
‘नगरपालिका भित्र थप सावधानी अपाउनु पर्ने देखिएकाले शिक्षण सिकाई बन्द गर्नुपरेको हो नगरपालिकाले निकालेको सूचनामा भनिएको छ । अन्य क्रियाकलाप गर्दा समेत अनिबार्य सुरक्षा मापदण्ड अपनाएर मात्र गर्न समेत नगरपालिकाले सवैलाई अनुरोध गरिन्छ ।
गोरखा नगरपालिका भित्र शुक्रबारसम्ममा शिक्षक तथा कर्मचारी सहित ६५ जना संक्रमित भई सकेको छ । त्यस्ता संक्रमितको सम्र्पकमा रहेकाहरुको कन्ट्रयाक्ट ट्रेसिङ गरि स्थितिलाई सामान्य अबस्थामा ल्याउन नगरपालिका भित्रका सवै बिधालयका सञ्चालित प्रत्यक्ष सिकाई सहजीकरण बन्द गरिएको नगरपालिकाले जनाएको छ ।
संक्रमणको आंशका र कन्ट्रयाक्ट ट्रेसिङमा परि कोरोना परीक्षणका लागि स्वाब दिएका व्यक्तिहरु रिर्पोट प्राप्त नहुदै समुदाय स्तरमा निस्कने र घुलमिल गर्ने गरेको भन्ने गुनासो समेत आएकाले स्वांब दिएकाहरुलाई अनिबार्य आइसोलेसनमा रहन पनि नगरपालिकाले आग्रह गरेको छ ।
नगरपालिकाले अत्याबश्यक काम बाहेक घर बाहिर नस्किन र निस्कनै परे मास्क लगाएर निस्कन, व्यापार व्यवसाय, कार्यालयको सेवा, सामाग्री ढुवानी लगायतका कार्य गर्दा अनिबार्य सुरक्षा मापदण्ड पालना गर्न तथा भौतिक दुरी कायम गर्न र संक्रमण रोक्ने कार्यलाई सबै क्षेत्रबाट सफल बनाउन पनि नगरपालिकाले सबैमा आग्रह गरेको छ ।
