हिन्दु नेपालिहरुको दोश्रो ठूलो चाडको रुपमा रहेको तिहारको हिजो अर्थात सनिवार तेस्रो दिन । हिन्दु नेपालीहरुले घरघरमा धनधान्यकी देवी लक्ष्मीको पूजा गरेका छन् । यस्तैमा नेपाली कलाकारहरुको लक्ष्मी पुजाको रौनक पनि राम्रै देखिएको छ । काठमाडौमा तथा देश बाहिर रहेर कलाकारिता गरिरहेका पुजा शर्मा, करिष्मा मानन्धर, दुर्गेश थापा, प्रकृति श्रेष्ठ, श्वेता खड्का, सुहाना थापा लगायतले लक्ष्मी पुजा पश्चात् तस्वीरलाई सामाजिक संजालमा साझेदार गरेका छन् ।
यस्तैमा अभिनेत्री प्रियंका कार्कीले पनि लक्ष्मी पुजा गरेकी छन् । उनले श्रीमान आयुष्मान देशराज जोशीसंग लक्ष्मी पुजा गर्दै गरेको तस्विरहरुलाई आफ्नो सामाजिक संजाल एकाउन्टहरुमा साझेदार गरेकी छन् । विवाह पश्चात् यो जोडिको पहिलो तिहार तथा लक्ष्मी पुजा हो ।
औँसीको रात लक्ष्मीलाई प्रसन्न पार्न घरघरमा उज्यालो पारिएको छ । पहिले दियोको प्रकाशबाट उज्यालो पारिन्थ्यो भने अहिले बिजुलीका बत्तीहरुको प्रकाशबाट पनि उज्यालो पारिन्छ । हरेकको घरघरमा झिलिमिली बत्तीको उज्यालो सहित देशै यतिबेला झिलोमिली तिहारमय भैरहेको छ । घर, पसल, व्यापार व्यवसाय र उद्योगमा बत्तीको झिलिमिली देखिन्न सकिन्छ । तर तिहारको महत्त्वपूर्ण भागको रुपमा रहेको धेउसी भैलो यसपटक भने कोरोनाका कारण खेल्न सम्भव भएन । हेर्नुस् तस्वीरहरु:
