गोरखा – गोरखाको सिङला बासीलाई हिमाली साथी फाउन्डेसनले खाद्यान्न बिरतण गरेको छ ।
धार्चे गाउँपालिका ५ सिङ्लाका स्थानियलाई फाउन्डेसनले खाद्यान्न सामाग्रीहरु बितरण गरेको हो ।
चाड पर्व मनाउन समस्या परेकाहरुका लागि फाउण्डेसनले चामल, नुन, तेल लगायतका खाद्य सामग्री बितरण गरेको संस्थाका अध्यक्ष धनबहादुर गुरुङले टेलिफोन मार्फत जानकारी दिए ।
फाउण्डेसनले सिङ्लामा ३० किलो ग्राम दरका २५० बोरा चामल बितरण गरेको छ । गाउँमा रहेका बृद्धाबृदा, असक्त, अपांगताका परिवारलाई लक्षित गरि सहयोग उपलब्ध गराएको फाउन्डेसनले जनाएको छ ।
फ्रान्सका नागरिकहरुको आर्थिक सहयोगमा स्थानीयलाई खाद्यान्य बितरण गरिएको हो । फाउण्डेसनले यस अघि पनि सिङ्लाका बिपन्न परिवारलाई पटक पटक खाद्यान्य उपलब्ध गराउदै आएको छ ।
सिङलाका स्थानिय बिपन्न, असाहाय, बृद्धबृदाहरु खाद्यान्न सामाग्री पाए पछि खुशी भएका छन् ।
