गोरखा – गोरखामा आज थप ८ जनामा संक्रमण पुष्टी भएको छ ।
जिल्लाको ६ स्थानिय तहमा थप ८ जनामा संक्रमण देखिएको प्रदेश स्वास्थ्य निर्देशनालय पोखराले पुष्टी गरेको हो ।
प्रदेशले आज (आइतबार) पटक पटक जारी गरेको सूचना बमोजिम बारपाक सुलिकोट गाउँपालिका ५ को ३८ बर्षका पुरुष, पालुङटार ७ का २२ बर्षका पुरुषमा संक्रमण देखिएको जनाएको छ । संक्रमण देखिएका माथीका सबैको क्षयरोग उपचार केन्द्र पोखरामा स्वाब परिक्षण गर्दा पोजेटिभ देखिएको हो ।
त्यस्तै गरी गोरखा नगरपालिका ५ का ७३ बर्षका १ जना पुरुषमा संक्रमण पुष्टी भएको जनाएको छ । उनको लाईफ केयर एण्ड डायग्नोस्टिक प्रा.लि.पोखरामा स्वाब परिक्षण गरिएको निर्देशनालयको सूचनामा भनिएको छ ।
यता भीमसेन थापा गाउँपालिका ४ मा २५ बर्षका पुरुष, धार्चे गाउँपालिका ९ का २७ बर्षका पुरुष, शहिद लखन गाउँपालिका ४ का २२ बर्षिया महिला र गोरखा नगरपालिका ७ का ५१ र ५६ बर्षका १ महिला र १ परुषमा संक्रमण देखिएको छ ।
संक्रमण देखिएका उनीहरुलाई भने चितवनमा उपचारका क्रममा जादाँ चितवन मेडिक कलेजको फिभर क्लिनीकमा स्वाब परिक्षण गर्दा पोजेटिभ देखिएको हो ।
यो सहित जिल्लामा स्वास्थ्य कार्यालय गोरखा मार्फत स्वाब संकलन गरिएका मध्ये ४४९ जनामा संक्रमण देखि सकिएको छ भने जिल्ला भन्दा बाहिर गएर परिक्षण गरेका ५५ जनामा संक्रमण देखिएको कार्यालयमा सूचना अधिकारी राजुरमण न्यौपानेले बताए ।
