हिमालय टेलिभिजनबाट हरेश शुक्रबार र शनिबार प्रशारण भैरहेको डान्सिङ रियालिटी शो ‘डान्सिङ विथ दि स्टार्स नेपाल’मा एक जोडीको वाइल्र्ड कार्ड इन्ट्री भएको छ ।

यसअघि गत हप्ताको आइतबार एक जोडी यो शोबाट बाहिरिएका थिए । यो साता मुन्नी उपनामले परिचित प्रियना आचार्यको वाइल्र्ड कार्ड इन्ट्री भएको हो । उनका कोरियोग्राफर पार्टनरको रुपमा सुभम भुजेल रहेका छन् ।

सुभम यसअगाडि दिपा र दमन्ताको कोरियोग्राफरको रुपमा थिए । शोको प्रिमियरमा प्रस्तुति दिएका उनी विशेष कारणवस शोबाट बाहिरिएका थिए । अब उनी नयाँ जोडी प्रियनाको साथमा शोमा प्रवेश गरेका छन् । योसँगै यो शोमा १० जोडी भएका छन् ।

यस्तै यो साताको ‘पर्फमेन्स अफ दि विक’को रुपमा दिपा र दमन्ताको जोडी बनेको छ । उनीहरुले विभिन्न गिफ्ट ह्याम्पर र नगद पुरस्कार प्राप्त गरेका थिए । यो शोमा निर्णायकको रुपमा दिलिप रायमाझी, गौरी मल्ल र रेनशा वान्तवा राई रहेका छन् ।

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर