गोरखा – गोरखा नगरपालिकाले बिदेश तथा बाहिरी जिल्लाबाट आएकाहरुले अनिवार्य होम क्वारिन्टीनमा बस्न अनुरोध गरेको छ ।
नगरपालिकाले बिषम परिस्थितीलार्य मध्यनगर गर्दै स्वास्थ्य मापदण्ड अपनाएर होम क्वारिन्टीनमा बस्न भनेको हो ।
नगरपालिकाले आज (बुधबार) नगरबासीको नाममा अनुरोध पत्र जारी गर्दै ‘बिदेशबाट आउने सबै ब्यक्तिहरुले अनिबार्य रुपमा सम्वन्धित वडा अध्यक्षलाई जानकारी गराई सम्वन्धित वडाको स्वास्थ्य चौकीमा विवरण टिपाएर अनिवार्य रुपमा होम क्वारेन्टाइनको नियम पालना गरी बस्न’ भनेको छ । साथै ‘बाहिरी जिल्लाबाट आउने ब्यक्तिहरुले अनिबार्य रुपमा होम क्वारेन्टाईनको नियम पालना गरी बस्न’ समेत भनेको छ ।
होम आइसोलेसनमा बस्नेहरुको नियमीत स्वास्थ्य अवस्था बारे स्वास्थ्य संस्था र टोल बिकास संस्था मार्फत निगरानी गरिने भन्दै नगरपालिकाले त्यस्ता ब्यक्तिको स्वास्थ्य अवस्था बिग्रीएको खण्डमा अस्पताल लानका लागि नगरपालिकाको समन्वयमा वडा अध्यक्षको संयोजकत्वमा सबै वडामा समितिको ब्यवस्था मिलाईएको जानकारी गराएको छ ।
साथै चाडपर्वमा सार्वजानिक सवारी र निजी सवारी साधन अत्यावश्यक काम नपरी नगर्न भन्दै प्रयोग गर्नै परेको खण्डमा सवारीमा भिडभाड नगरी यात्रा गर्न र स्वास्थ्य मापदण्ड पालना गर्न समेत आग्रह गरेको छ ।
नगरबासीलाई दशै, शुभ दिपावली, नेपाल सम्बत, छट र ल्होसारको शुभकामना दिदै नगरबासीलाई समस्या परेका खण्डमा नगरपालिकाको स्वास्थ्यकर्मी, नगर प्रमुख, उप प्रमुख वा प्रशासकिय अधिकृतलाई जानकारी गराउन समेत अनुरोध गरेको छ ।
