गोरखा – गोरखाको मनकामना क्षेत्रमा आज एकै दिनमा १५ जना सहित थप २३ जनामा कोरोना संक्रमण पुष्टी भएको छ ।
जिल्लाको गण्डकी, शहिद लखन र आरुघाट गाउँपालिकामा थप २३ जनामा संक्रमण देखिएको प्रदेश स्वास्थ्य निर्देशनालयले पुष्टी गरेको हो ।
निर्देशनालयले आज (बुधबार) दिउसो २ः०० र ३ः३० बजे सूचना जारी गर्दै गण्डकी गाउँपालिकामा २ जना, शहिद लखन गाउँपालिका २ र ३ को मनकामना क्षेत्रमा १५ जना र आरुघाट गाउँपालिकामा १ जनामा संक्रमण देखिएको जनाएको छ ।
संक्रमित मध्ये गण्डकी गाउँपालिका ७ को घ्यालचोकका २४ र ४४ बर्षिया २ जना महिलामा संक्रमण पुष्टी भएको हो ।
शहिद लखन गाउँपालिका २ र ३ को मनकामना क्षेत्रमा १५ जना र ६ को घैरुङमा २ बर्षिया बालिका सहित ५ जनामा संक्रमण पुष्टी भएको गाउँपालिका स्वास्थ्य प्रमुख बिरेन्द्र श्रेष्ठले जानकारी दिए ।
त्यस्तै गरी आरुघाट गाउँपालिका ९ आरुचनौटेका ३७ बर्षका पुरुषमा समेत आज संक्रमण देखिएको छ ।
संक्रमण देखिएका सबैको स्वाब क्षयरोग उपचार केन्द्र पोखरामा स्वाब परिक्षण गएिको हो ।
