गोरखा – बारपाक सुलिकोट गाउँपालिका भित्र बसोबास गर्ने श्रमिकहरुलाई दशैं खर्च बापत खाद्यान्न सहयोग गरिएको छ ।
नोबल कोरोना भाइरस (कोभिड–१९)का कारण रोजगारी गुमाएका श्रमिकहरुलाई गाउँपालिकाले दशै खर्च बापत खाद्यान्न उपलब्ध गराएको हो ।
खाद्यान्न पाएका सबै श्रमिकहरुलाई गाउँपालिकाले रोजगारी दिएरको गाउँपालिका अध्यक्ष बिष्णुप्रसाद भट्टले बताए । ‘राहत नदिइ नहुने श्रमिकरुलाई छनौट गरेर रोजगारी दिएको’ भन्दै ‘यसले बिकासको काम पनि भयो र श्रमिकले रोजगारी गरे बापत खाद्यान्य पनि’ अध्यक्ष भट्टले भने ।
गाउँपालिकाले श्रमिकहरुलाई चामल, नुन, तेल, दाल लगायतका खाद्यन्न दिएको गाउँपालिकाले जनाएको छ । उनीहरुले सडक, कुलो, गोरेटो, नाला सरसफाई जस्ता काम गरेका थिए ।
गाउँपालिकाले बिपन्न समुदायलाई लक्षित गर्दै ‘राहातका लागि रोजगारी’ कार्यक्रम सञ्चालनमा ल्याएको छ । उत्त कार्यक्रम अन्रतर्गत रोजगारी गुमाएका र बिपन्न परिवारलाई समावेश गरिएको छ ।
कार्यक्रममा सहभागीहरुले दैनिक ६५० रुपैयाका दरले ज्याला पाउने छन् । उनीहरुले दैनिक ८ घण्टा काम गर्नुपर्ने छ । सबै कामदारलाई काम सम्पन्न भए पछि सम्वन्धी वडा कार्यालयले श्रमको भूक्तानी दिने नियम तय गरिएको छ ।
गाउँपालिकाले उत्त कामको लागि पहिलो चौमासिकमा २७ लाख ५० हजार रकम छुट्टाएको प्रशासकिय अधिकृत गौतम भण्डारीले बताए ।
