गोरखा – नेकपा सम्बद्व ब्यापारीहरुको जिल्ला स्तरीय भेला सम्पन्न भएको छ । भेलाले संयोजकमा रामहरी केसी र सह संयोजकमा काजीराम श्रेष्ठलाई सर्व सम्मत चयन गरेको छ ।
नेकपाको पाटेचौरमा रहेको पार्टी कार्यालयमा भएको प्रतिनिधी मुलक जिल्ला स्तरीय भेलाले ब्यवसायीहरुको हकहित र संरक्षणका लागि समितिको आवश्यता महशुर गरेर गठन गरिएको संयोजक केसीले बताए । ‘ब्यापारीहरुलाई चौतफी रुपमा आक्रमण भएको र आफ्ना ब्यवसायीहरुलाई सरक्षणका लागि पनि समिति आवश्यक भएका कारण गठन गरिएको’ केसीले भने ।
जिल्ला समितिमा ३२ सदस्यीय निर्माण गर्ने निर्णय भएता पनि केही साता भित्रै पुर्णता दिने गरी हाललाई १९ सदस्यीय जिल्ला कार्य समिति निर्माण भएको छ । कृण्णप्रसाद ढकाललको अध्यक्षतामा भएको भेलामा नेकपामा प्रदेश कार्यालय सदस्य सम्झना देवकोटाका साथै नेकपा जिल्ला पार्टी सचिब प्रेम गुरुङको समेत सहभागीता रहेको थियो ।
नव गठित समितिले केही महिना भित्रै जिल्लाको सबै स्थानिय तहमा पालिका स्तरीय समिति गठन गरिसक्ने लक्ष्य राखेको छ ।
