गोरखा – डा.गोबिन्द केसीको समर्थनमा गोरखा अस्पतालमा कार्यरत सबै चिकित्सक आन्दोलनमा उत्रिएका छन् ।
डा.केसीको जीबन रक्षा र उनको माग पुरा गर्न सरकारलाई दबाव दिने उद्वेश्यका साथ चिकित्सकहरु आन्दोलमा उत्रिएका हुन् ।
अस्पतालमा कार्यरत सबै चिकित्सकहरुले हातमा प्ले कार्ड लिएर अस्पताल परिषरमा धर्ना दिनुका साथै हातमा कालो पट्टी बाँधेर काम गरिरहेको सूचना अधिकारी कृण्ण ढकालले जानकारी दिए । ‘डा.गोबिन्द केसीका माग जायज छन् । जायज माग पुरा गर्न सरकार हिचकिचाहड गरिरहेका कारण जीबननै धरापमा परेका कारण दबाव र्सिजना गर्न सबै चिकित्सक आन्दोलनमा सहभागी भएको’ ढकालले बताए ।
डा.केसीको अनसनबाट स्वास्थ्यका माफीयाँहरु झनै सल्बलाएको भन्दै केसीको माग प्रति सरकारी रबैया यस्तै भई रहे आन्दोलनको रुप फेरीने र सशत्त आन्दोलनमा जाने एक चिकित्सकले बताए ।
आन्दोलनरत चिकित्सकहरुले सेभ जिकेसी, जिकेसीको माग पुरा गर, जिकेसीको अनसन माफीयालाई टेन्सन, आईएक विथ जिकेसी जस्ता नारा लेखिएका प्ले कार्ड लिएर धर्नामा बसेका थिए । उनीहरुले बिहान ९ बजे देखी ११ बजे सम्म कामनै छाडेर धर्ना दिए भने ११ बजे पछि भने हातमा कालो पट्टी बाँधेर काम गरिरहेका छन् ।
तस्बिर साैजन्य कृण्ण ढकाल
