गोरखा – गोरखामा आज १८ जनामा कोरोना संक्रमण पुष्टी भएको छ ।
जिल्लाको २ वटा नगरपालिकामा गरी १८ जनामा कोरोना संक्रमण देखिएको प्रदेश स्वास्थ्य निर्देशनालयले पुष्टी गरेको हो ।
निर्देशनालयले जारी गरेको सूचना अनुसार गोरखा नगरपालिकामा १७ जना र पालुङटार नगरपालिकामा १ जनामा कोरोना देखिएको छ ।
संक्रमण देखिएका मध्ये धेरै जसो नेपाल प्रहरीमा कार्यरत कर्मचारीहरु छन् भने केही प्रहरीकै हिरासतमा रहेका ब्यत्ति भएको पुष्टी भएको छ ।
संक्रमण देखिएका मध्ये गोरखा नगरपालिका ११ स्थित बाह्रकिलो प्रहरी चौकीमा कार्यरत २ जना महिला र ६ जना पुरुष प्रहरीमा संक्रमण देखिएको हो । त्यस्तै गरी २ महिला कर्मचारीका ३ र १२ बर्षका बालकमा समेत कोरोना संक्रमण पुष्टी भएको छ ।
त्यस्तै गरी गोरखा नगरपालिका १० र १४ का ३० र ४४ बर्षका पुरुष भने जिल्ला प्रहरी कार्यालय गोरखाको हिरासतमा रहेको ब्यत्ति भएको पुष्टी भएको छ । त्यस्तै गरी जिल्ला प्रहरी कार्यालय गोरखामा रहेका ४८ बर्षका प्रहरीमा समेत कोरोना संक्रमण पुष्टी भएको छ ।
गोरखा नगरपालिकामा देखिएका अन्य ब्यत्ति भने कन्ट्याक्क ट्रेसिङमा परेर स्वाब संकलन गरिएका ब्यत्तिहरु हुन ।
उता पालुङनगरपालिका ९ का ३३ बर्षका पुरुषमा पनि संक्रमण देखिएको छ । उनी पनि कन्ट्याक्ट ट्रेसिङमा परेर स्वाब संकलन गरेका ब्यत्ति भएको जिल्ला स्वास्थ्य कार्यालय गोरखाले जनाएको छ ।
यो सहित गोरखा जिल्लामा कुल संक्रमितको संख्या ३०४ जना पुगेको छ । जस मध्ये गोरखा जिल्ला भित्र स्वाब संकलन गरिएका २७२ र जिल्ला भन्दा बाहिर स्वाब संकलन भएर पोजेटिभ देखिएका ३२ जना रहेका छन् ।
