गोरखा – गोरखा नगरपालिका नगरपालिका क्षेत्र भित्रका स्कुलहरुलाई तत्कालै बैकल्पीक सिकाईको ब्यवस्था गर्न निर्देशन दिएको छ ।
बन्दाबन्दीका कारण ६ महिना सम्म रोकिएको शिक्षण तत्कालै बैकिल्पक व्यवस्था गर्न स्कुलहरुलाई परिपत्र गरेको हो ।
नगरपालिकाले स्कुलहरुलाई पठाएको परिपत्रमा बिधार्थी सिकाई सहजीकरण निर्देशिका २०७७ र बिधालय शिक्षाको आकिस्मक कार्ययोजना २०७७ कार्यान्व्यन गर्ने सिलसिलामा बिधालयले निर्माण गरेको कार्ययोजना अनुसार सिकाईको सहजीकरण गर्न बिधालय व्यवस्थापन समितिको निर्णय गराई स्वास्थ्य मन्त्रालयले जारी गरेको सुरक्षा मापदण्डको पूर्ण परिपालन गरि असोज १८ गतेदेखि प्रत्यक्ष सिकाईको सहजीकरण गर्न सक्ने जनाएको छ ।
प्रत्यक्ष सिकाईका लागि नगरपालिकाले बढीमा २० जना बिधार्थीको सहभागिता गराउन सक्ने, सिकाई केन्द्र विभिन्न चरणमा सञ्चालन गर्न सकिने, प्रति सिफ्ट बढीमा ३ घण्टासम्म सिकाई सहजीकरण गर्न सकिने र १ दिनमा बढीमा ३ सिफ्ट सञ्चालन गर्न सकिने गरी नगरपालिकाले सबै स्कुललार्य परिपत्र गरेको छ ।
त्यस्तै बिधार्थी सिकाई सहजीकरण निर्देशिका २०७७ बमोजिम धेरै बिधार्थी संख्यामा भएका कक्षाहरुमा बैकल्पिक बिधि अन्तरर्गत अनलाईन र र्भचुयल कक्षा हाल सञ्चालनमा रहेका कक्षाहरुलाई निरन्तरता दिन सकिने नगरपालिकाले जनाएको छ ।
केन्द्र, प्रदेश र स्थानीय रेडियो र टेलिभिजनहरुबाट प्रशारण भएका पाठ्य सामाग्रीहरु सुन्न र पढ्न अभिभावक र बिधार्थीहरुलाई प्रोत्साहि गराउन पनि बिधालयलाई भनिएको छ ।
साँकेतिक तस्बिर
