गोरखा – मृगौला पिडित गीता कमरको नाउँमा २ लाख २८ हजार भन्दा बढी रकम सहयोग संकलन भएको छ ।
पालुङ्टार नगरपालिका ७ घर भएकी कमरको दुवै मृगौतामा समस्या आएर उपचारमा समस्या भए पछी दाताहरुले उत्त रकम सहयोग गरेका हो ।
कमरको लागि बिदेशबाट समेत आर्थिक संकलनको काम सुरु भएको छ । साउदी र कतारबाट आर्थिक संकलन गर्न सुरु भएको साउदीको दुवईमा रहेका रमेश बस्ताकोटीले बताए । ‘रकम अभावका भएरा उपचार गराउन समस्या भएको थाहा पाए पछि हामीले पनि सहयोग संकलन गरीरहेका छौ’ पोर्चुगलमा रहेकी सुमित्रा घिमिरेले बताईन ।
बस्ताकोटी र घिमीरेले अहिले सामाजिक सञ्जाल मार्फत सबैलाई आर्थिक सहयोग गर्न आब्हान समेत गरेका छन् ।
अभियान मार्फत अहिले सम्म २ लाख २८ हजार १४० रुपैया संकलन भएकोे छ । संकलित भएको रकम मध्ये दुवईमा रहेका १२२ जना नेपालीहरुबाट करिब १ लाख १४ हजार ८०० रुपैयाँ संकलन भएको छ । संकलित रकम मृगौला पिडित गीताकी आमा धन कुमारी कमरको डुम्रेस्थित नेपाल बैंकमा रहेको खातामा जम्मा गरिएकोे छ ।
आर्थिक संकलनको काम अझै केही समय जारी रहने अभियान्ताहरु जनाकारी दिएको छ । लामो समयदेखि दुवै मृगौलामा समस्याको केही समयको उपचार पछि पैसा अभाव भएर अहिले गीता घरमा नै बस्दै आएको छ ।
गीताको उपचारमा सहयोग गर्न चाहनेहरुले तनहुँको डुम्रेस्थित नेपाल बैंकमा रहेको खाता नं १०३०११०६८८२८८७०००००१ मा रकम जम्मा गरेर सहयोग गर्न समेत सबैमा अभियान्ताहरुले अपिल गरिएको छ ।
