काठमाण्डौं – मन्त्रिपरिषद्को आकस्मिक बैठक आज १२ बजे बस्दै छ ।
मन्त्रिपरिषदको नियमीत बैठक सोमबार बस्ने गरेको भएपनि आज भने प्रधानमन्त्री केपी शर्मा वलीले आकस्मिक रुपमा १२ बजेपछि बालुवाटारमा बैठक बोलाइएको हो ।
मन्त्रीमण्डल पुनर्गठनको चर्चा भैरहेको समयमा प्रधानमन्त्रीले बैठक बोलाएका हुन् । मन्त्रीमण्डल पुनर्गठनका विषयमा पार्टी अध्यक्ष समेत रहेका प्रधानमन्त्री ओलीले कार्यकारी अध्यक्ष पुष्पकमल दाहालसँग केही दिनदेखि निरन्तर छलफल गरिरहेका छन् ।
बिहीबार, शुक्रबार र शनिबार पनि २ अध्यक्षबीच बालुवाटारमा छलफल भएको थियो । अर्थ र सञ्चारलगायत महत्वपूर्ण मन्त्रालयहरु खाली रहेकाले यसलाई छिट्टै टुंग्याउने २ अध्यक्षको तयारी छ ।
