तनहुँ – तनहुँको कुम्लेखोलामा भएको बृद्वा हत्याकाण्डमा अनुसन्धानका लागि गोरखा १ जना पुरुषलाई प्रहरीले पक्राउ गरेको छ ।
हत्या आरोपमा प्रहरीले गोरखा जिल्ला भीमसेन थापा गाउँपालिका १ बसेनी घर भएका ४६ वर्षिय शिव गौतमलाई पक्राउ गरिएको जिल्ला प्रहरी कार्यालय तनहुँले पुष्टी गरेको हो ।
हिजो (शुक्रबार) बिहान तनहुँको शुक्लागण्डकी ७ कुम्लेखोलाका ६० वर्षिया वृद्धा तेज कुमारी ढकालको हत्या भएको थियो । ढकाल आफ्नै घर भित्र मृत्त अवस्थामा फेला परेको थियो ।
लुटपाटपछि हत्या गरिएको अवस्थामा ढकालको शव फेला परे लगत्तै तनहुँ प्रहरीले शुष्म अनुसन्धान थालेको थियो । आफ्नै घरभित्र भुईमा दुबै हात, खुट्टा र घाँटीमा सलले बाँधिएको अवस्थामा ढकालको शब फेला परेको तनहुँ प्रहरीले जनाएको छ ।
हत्या आरोपी गौतमलाई हिजै दिउसो ३ः०० बजेको समयमा व्यास नगरपालिका वडा नं २ सहिदगेट क्षेत्रमा हुलिया परिवर्तन गरी हिडिरहेको अवस्थामा प्रहरीले पक्राउ गरेको थियो ।
मृत्तक ढकालको शरीरको विभिन्न भागमा धारिलो हतियार प्रहार गरिएको देखिएको जिल्ला प्रहरी कार्यालय तनहुँले जनाएको छ ।
