गोरखा – गोरखाको ४ वटा स्थानिय तहका १२ जनामा कोरोना संक्रमण पुष्टी भएको छ ।
जिल्लाको पालुङटार नगरपालिका, बारपाक सुलिकोट, भीसेन थापा र गण्डकी गाउँपालिकामा गरी १२ जनामा कोरोना संक्रमण पुष्टी भएको प्रदेश स्वास्थ्य निदेशनालयले पुष्टी गरेको हो ।
निर्देशनालयले दिउसो १२ः१५ बजे सूचना जारी गर्दै पालुङटार नगरपालिका १ का ३ पुरुष र ४ महिलामा संक्रमण पुष्टी भएको हो । संक्रमण पुष्टी भएका सबै जना कन्ट्याक्ट ट्रेसिङ मार्फत स्वाब संकलन गरीएका ब्यत्तिहरुको भएको जिल्ला स्वास्थ्य कार्यालय गोरखाका सूचना अधिकारी राजुरमण न्यौपानले जानकारी दिए ।
संक्रमण देखीएका मध्ये १३, १५ र १७ बर्षका पुरुषहरु छन् भने १५, १९, ३४ र ३५ बर्षका महिला हुन् ।
त्यस्तै गरी बारपाक सुलिकोट गाउँपालिका ८ मा देखिएको संक्रमितहरुमा १ जना महिला र १ जना पुरुष हुन् । बारपाकमा १ जना भारतबाट आएको ब्यत्ति हुन भने अर्का १ जना स्थानिय आफैले शंका लागेर स्वाब दिएका थिए ।
उता भीमसेन थापा गाउँपालिका ३ मा देखिएका २ जना पुरुष मध्ये १ जना पुनःनिर्माण प्राधिकरणका कर्मचारी भएको र अर्का १ जना मोटर साईकल वर्क सप चलाउने ब्यत्ति भएको पुष्टी भएको छ ।
त्यस्तै गरी गण्डकी गाउँपालिका ५ को १ जना पुरुषले पनि आफुलाई शंका लागेर स्वाब दिएको र उनमा संक्रमण देखिएको जिल्ला स्वास्थ्य कार्यालय गोरखाले जनाएको छ ।
जिल्लामा अहिले सम्म २७४ जना संक्रमित भएका र त्यस मध्य जिल्ला भित्रै स्वाब संकलन गरीएका २४४ जना र जिल्ला बाहिर ३० जना संक्रमण देखिएको हो ।
