काठमाण्डौं – नोबल कोरोना भाइरस (कोभिड–१९)बाट आज थप १ हजार १७० जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा थप १ हजार १७० जनामा कोरोना संक्रमण पुष्टि भएको हो । योसँगै नेपालमा संक्रमितको संख्या ५५ हजार ३२९ पुगेको छ ।
स्वास्थ्य तथा जनसंख्या मन्त्रालयले आज गरेको पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार देशको विभिन्न भागबाट संकलित स्वाब परिक्षणका क्रममा १ हजार १७० जनामा कोरोना संक्रमण देखिएको बताए ।
संक्रमणबाट आज मात्रै थप १५ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ३६० पुगेको मन्त्रालयले जानकारी दिएको छ ।
