गोरखा – नोबल कोरोना भाइरस (कोभिड–१९)बाट सोमबार थप ९ जनामा संक्रमण पुष्टी भएको छ ।
गण्डकी प्रदेश क्षयरोग उपचार केन्द्र पोखरामा स्वाब परिक्षणका क्रममा जिल्लाको गोरखा र पालुङटार नगरपालिकामा थप ९ जनामा संक्रमण पुष्टी भएको हो । यो सहित अब जिल्लामा कोरोना संक्रमितको संख्या २११ पुगेको छ ।
गण्डकी प्रदेश स्वास्थ्य निर्देशनालयले बिहान ९ः४५ बजे जारी गरेको सूचना बमोजिम गोरखा नगरपालिका १३ मा २९ बर्षिया १ जना महिला र ५२ बर्षको १ जना पुरुषमा संक्रमण देखिएको हो ।
त्यस्तै गरी जिल्लाको पालुङटार नगरपालिकाको १ मा १५ बर्षिया १ महिला र १३ बर्षका २ पुरुष १४, १९ र २५ बर्षका पुरुषमा संक्रमण देखिएको हो । त्यस्तै गरी सोही नगरपालिकाको ५ को ५५ बर्षका पुरुषमा पनि संक्रमण देखिएको छ । उनी केही समय अगाडी मात्र भारतबाट फर्किएर धर्मावती माविको क्वारिन्टीनमा बस्दै आएका थिए । बाँकी सबै कन्ट्याक्ट ट्रेसिङ मार्फत स्वाब संकलन गरिएका ब्यत्ति हुन् ।
संक्रमित सबैलाइ गोरखा क्याम्पसका आइसोलेसनमा ल्याउने तयारी भई रहेको जिल्ला स्वास्थ्य कार्यालय गोरखाका सूचना अधिकारी राजुरमण न्यौपानेले बताए ।
निर्देशनालयले जारी गरेको सूचनामा पालुङटार नगरपालिका ६ लेखिएको भएता पनि उनी ५ को भएको पालुङटार नगरपालिकाका स्वास्थ्य प्रमुख कृण्ण अधिकारीले जानकारी दिएका छन् ।
