काठमाण्डौं – रातो मछिन्द्रनाथको मूर्तिलाई बुङ्गमतीतर्फ लगिदै छ ।
विगतमा भोटो जात्राका दिन भोटो देखाएपछि मात्र मूर्तिलाई रथबाट ओरालेर बुङ्गमती लगिने गरिएकोमा यस वर्ष भोटो जात्रा नगरिकन रथबाट मूर्तिलाई निकालेर सोझै बुङ्गमतीतर्फ लैजान लागिएको हो ।
कोरोनाको जोखिमका कारण रातो मच्छिन्द्रनाथको रथजात्रालाई छोट्याउने सहमति अनुसार गएको २१ गते रथलाई पुल्चोकको सोह्रखुट्टे पाटीसम्म तानिएको थियो । सोही स्थानवाट आज मूर्ति बुङ्गमती लैजान लागिएको हो ।
मूर्तिलाई बुङमती लगेको ४ दिनमा विशेष पूजाआजा गरी जात्रा समाप्त गरिने प्रचलन रही आएको छ । असोज एक गते बिचा पूजासँगै यसवर्षको रातो मच्छिन्द्रनाथको जात्रा सम्पन्न हुनेछ ।
वैशाख शुक्लपक्षको शुभसाइतमा निकाल्नु पर्ने रथ यात्रा यस वर्ष कोरोना महामारीका कारण रोकिएको थियो ।
