एजेन्सी – नोबल कोरोना भाइरस (कोभिड–१९)बाट भारतमा आज ९३ हजार २१५ जनामा संक्रमण पुष्टी भएको छ ।
भारतमा एकै दिन ९३ हजार २१५ जनामा संक्रमण पुष्टि भएको भारत सरकारले पुष्टी गरेको हो । योसँगै त्यहा संक्रमितको संख्या ४८ लाख ४५ हजार नाघेको छ ।
संक्रमितमध्ये ९ लाख ८८ हजार २०५ जना सक्रिय संक्रमित रहेका छन् । संक्रमणले भारतमा ७९ हजार ७५४ जनाको मृत्यु भई सकेको छ । भारतमा पछिल्लो २४ घण्टामा मात्रै पनि १ हजार १४० जनाको मृत्यु भएको भारत सरकारले जनाएको छ ।
कोरोनाबाट धेरै प्रभावित देशमध्ये भारत विश्वकै दोस्रो स्थानमा छ । अमेरिकामामा मात्रै १ लाख ९८ हजार ५२० जनाको मृत्यु भएको छ ।
ब्राजिलमा १ लाख ३१ हजार ६६३ जनाको मृत्यु भएको छ । विश्वमा संक्रमितको जम्मा संख्या २ करोड ९१ लाख ८० हजारभन्दा धेरै पुगेको छ । मृत्यु हुनेको संख्या पनि ९ लाख २८ हजार भन्दा माथि पुगेको छ ।
