पोखरा – नोबल कोरोना भाइरस (कोभिड–१९)बाट संक्रमण भएर गण्डकी प्रदेशको विभिन्न जिल्लामा गरी हाल सम्म २७ जनाको ज्यान गएको छ ।
गण्डकी प्रदेश स्वास्थ्य निर्देशनालयले आज सूचना जारी गर्दै आज सम्ममा विभिन्न जिल्लाका २७ जनाको ज्यान गएको पुष्टी गरेको हो ।
निर्देशनालयले आज जारी गरेको सूचना अनुसार पछिल्लो २४ घण्टामा तनहुँ, गोरखा र कास्कीका गरी ३ जनाको संक्रमणकै कारण ज्यान गएको जनाएको छ ।
निर्देशनालयले स्वास्थ्य तथा जनसंख्या मन्त्रालय काठमाण्डौं बाट आज प्राप्त विवरण भन्दै तनहुँ जिल्ला आँवुखैरेनी ४ निवासी ७६ बर्षिया महिलाको भाद्र २४ गते मनमोहन कार्डियो भास्कुलर उपचार केन्द्र शिक्षण अस्पताल महाराजगञ्जमा निधन भएको जनाएको छ । मृत्तक महिला भाद्र २० गते अस्पताल भर्ना भएकी र उनलाई २३ गते कोरोना संक्रमण पुष्टी भएको थियो । उनीमा मुटु सम्बन्धी समस्या रहेको थियो ।
त्यस्तै गरी गोरखा जिल्ला भीमसेनथापा गाउँपालिका ३ स्थायी घरका ४५ बर्षिय पुरुषको त्रिभूवन विश्वविद्यालय शिक्षण अस्पतालमा भाद्र २७ गते बिहान २ः४० बजे मृत्यु भएको थियो । भाद्र २३ गते कोरोना संक्रमण पुष्टी भएका उनलाई किड्नी सम्वन्धी समस्या रहेको जनाएको छ ।
यता कास्क िजिल्ला भादि ४ स्थायी घर भई हाल काठमाण्डौं नयाँबजार बस्ने ५१ बर्षिय पुरुषको भाद्र २६ गते संक्रमणकै कारण मृत्यु भएको थियो । शसत्र प्रहरी बल अस्पताल बलम्बुमा निधन भएका उत्त पुरुषमा ज्वरो, खोकी तथा श्वास प्रस्वासमा समस्या भए पछि भाद्र २४ गते अस्पताल भर्ना गरिएको थियो । क्यान्सर तथा हाइपोथाइराडिजमका बिरामी उनलाई पनि भाद्र २३ गते नै संक्रमण पुष्टी भएको थियो ।
