पोखरा – गण्डकी प्रदेशको विभिन्न जिल्लामा शुक्रबार थप ६५ जनामा कोरोना संक्रण पुष्टी भएको छ ।
विभिन्न प्रयोगशालामा गरिएको स्वाब परिक्षणका क्रममा ६ जिल्लाका ६५ जनामा कोरोना संक्रमण पुष्टी भएको हो । यो सहित गण्डकी प्रदेशमा कोरोना संक्रमितको संख्या २ हजार ७९५ जना पुगेको छ ।
गण्डकी प्रदेश स्वास्थ्य निर्देशनालयले जारी गरेको सूचना अनुसार पोखरा स्वास्थ्य बिज्ञान प्रतिष्ठान, क्षयरोग उपचार केन्द्र पोखरा र भरतपुर अस्पताल चितवनमा गरिएको स्वाब परिक्षणका क्रममा कास्कीमा १२ जना, लमजुङमा ५ जना, पर्बतमा २ जना, तनहुँमा ११ जना, स्याङजामा २ जना र नवलपुर जिल्लामा ३३ जनामा कोरोना संक्रमण देखिएको छ ।
संक्रमण देखिएको लमजुङमा २ बर्षकी बालिका समेत रहेको छ ।
